La organización Darréu denuncia que l'Ayuntamiento de Xixón "da espacios públicos a los neonazis"

Nota de prensa de "Darréu - Mocedá Independentista Revolucionario"

Darréu - Mocedá Independentista Revolucionario denuncia que los grupos neonazis d'Asturies entamen un actu de calter racista, facista y militarista. L'actu va ser una conferencia, qu'entamará a les 19:00 hores y quieren cellebralo nel Salón d'Actos del Antiguu Institutu, na ciudá de Xixón.

Esti cartelu, colingáu nuna de les páxines qu'emplega la estrema drecha y neonazi qu'hai n'Asturies demosa que l'actu yá ta entamáu y tienen un espaciu acutáu. Nesti tipu de conferencies estos grupos suelen llanzar
mensaxes de calter racista y negacionista, ye dicir, suelen emplegar esti tipu de charres de supuestu calter hestóricu pa ñegar l'holocausto nazi.
Como podemos ver, l'Ayuntamientu de Xixón collabora activamente con esti actu, dando un espaciu públicu a estos grupúsculos nazi-facistes, amás un sábadu de tardi, cuando a los más de los coleutivos sociales, culturales o políticos se-yos ponen munchos pilancos pa cede-yos un espaciu públicu, y más los fines de selmana pela tardi. Poro, entendemos dende Darréu qu'hai un collaboracionismu cosciente per parte l'Ayuntamientu llocal pa col actu y estos grupos.
Dende Darréu, organización de la mocedá d'izquierda soberanista, queremos denunciar públicamente l'actitú permisiva del gobiernu llocal de Xixón, de Foro Asturias, pa con esti tipu de grupos qu'operen na ciudá de Xixón como quieren. Tamién vemos como un insultu a los valores democráticos, solidarios y de tolerancia'l fechu de que l'Ayuntamientu de Carmen Moriyón dea espacios públicos a esti tipu de coleutivos.
Pidimos al Ayuntamientu de Xixón, agora qu'hai tiempu, que rectifique y prohiba esti tipu d'actos na ciudá, que son una falta de respetu a los xixoneses, los asturianos y la propia humanidá entera. Nun se pueden tolerar actos, por mui historicistes que quieran vendenoslos, qu'atenten escontra los Drechos Humanos y los valores mínimos de solidaridá, tolerancia ya igualdá.
¡NON A LA COMPLICIDÁ DE LES INSTITUCIONES PA COLOS NEONAZIS!