Xuventú Asturianista con la Universidá d’Uviéu y el Colectivu d'Estudiantes contra la Selmana Negra

Campus de Viesques -Semeya Asturies Verde-

Nota de prensa Xuventú Asturianista
Xuventú Asturianista recuerda la so posición ante la iniciativa d'asitiar la Selmana Negra nel Campus de Viesques, la mesma que l'añu pasáu.
Otru añu más volvemos al interminable alderique alrodiu del posible allugamientu de la Selmana Negra na ciudá de Xixón, pos paez que naide quier esti festexu cerca de la so propiedá.
Xuventú Asturianista, organización xuvenil de la PAS, repite'l so sofitu a la Universidá d’Uviéu, yá que creemos que dientro d'una cortil universitaria, nun tien cabida una actividá d'estes característiques mientres una selmana y media, denunciar l'añu pasáu y volver a faer este.
Nun ye de recibu qu'un ayuntamientu ente nuna confrontación d'esti tipu con una institución académica por cabezonería y necedad pola defensa d'un supuestu certame lliterariu, que d'esto nun tien nada.
Per otra parte, creemos que ye necesariu denunciar públicamente'l fechu que cuando les alministraciones tán retayando gastos de los sos presupuestos, la asignación municipal a esti eventu sigue creciendo.
Pa finar, dende Xuventú Asturianista amosemos el nuesu total sofitu a la Universidá d’Uviéu y al Colectivu d'Estudiantes contra la Selmana Negra y anunciamos que si hai movilizaciones esta organización va xunir a elles.

Comentarios