La Tertulia Pachín de Melás, qu'aborda mensualmente na Cervecería Astuera de Xixón diferentes temes d'actualidá del panorama políticu, social y cultural asturianu; xirará esti martes 23 de febreru al rodiu del usu del Software Llibre n'Asturies. Pa ello cuntará cola presencia de Xabel García Pañeda, profesor del Departamentu d'Informática de la Universidá d'Uviéu y autor del llibru "Dos versiones asturianes de les nueves tecnoloxíes" d'Araz Llibros; Xandru Armesto, maestru y miembru del colectivu "Softastur. Software llibre n'asturianu"; y Daniel Vicente y Arsenio Coto, desarrolladores del traductor castellán-asturianu "Eslema".El grupu d'Unidá Nacionalista Asturiana (UNA) nel conceyu de Xixón valora la importancia d'esta tertulia en tanto que pue esclariar les posibilidaes del Software Llibre de cara al so usu per parte de les Alministraciones y les sos ventayes económiques y d'autonomía de llingües minoritaries como pue ser el casu del asturianu.
La Tertulia entamará a les 20.30 hores.
Comentarios
Publicar un comentario